旧化处理像真度无限高Hot Toys Ultron Mark

旧化处理像真度无限高Hot Toys Ultron Mark

对于美,人人有唔同定义,有人锺意皮包骨,有人锺意肥美有肉地。不过对Figure迷嚟讲,评一只Figure靓唔靓就有一套统一标準,就係「愈大镬愈快乐」,旧化得越残越烂就越係想拥有。事先张扬会出齐《复仇者联盟2:奥创纪元》主要角色嘅Hot Toys,继身光颈靓嘅Ultron Prime后,就推出原始造型Ultron Mark I,全身破烂不堪连手掌都无,但唔知点解Figure迷又会心甘情愿排队「进贡」!

戏中重要角色

苦等三年,美漫迷、Figure迷期待已久嘅《复仇者联盟2:奥创纪元》终于上画,笔者作为一个Die Hard粉丝,讲真绝对收货,过程紧凑无冷场,飞车、爆炸、肉搏浪接浪,最难得係对部分角色有较深刻描写,连大奸角Ultron亦有唔少篇幅讲感情变化,不能不对导演Joss Whedon写个服字!戏中精彩对白有很多,但笔者觉得最深刻都係Ultron Mark I係大厅对住Avengers讲︰「There is only one path to peace, your extermination!」之后就开始连场好戏,故事亦正式进入戏肉。咁重要嘅角色,HT当然唔会放过,早排在Hysan Place展出试办时已叫人期待,估唔到咁快就收订,一心储齐所有角色嘅死忠无理由漏咗佢![adTag]

似足电影无忽好肉

无论卡通定电影,奸角第一形态往往最求其最样衰,Ultron亦唔例外,全身活像烂铜烂铁放埋一齐,但遍遍係咁先得人喜爱。HT造型师今次特别重手,Figure全身基本上无忽好肉,面罩腐蚀成恶魔模样,骨架、关节、油压装置及电线全部外露,装甲表面经过战损及旧化处理,而且左掌被切去(又可能係未砌上去),配合双眼及口部背后的LED灯,造型同电影100%相同。素体方面,电影中Mark I无Prime咁神高神大,身高同Iron Man相若,所以Figure亦只有32.5cm高,唔使顶头都放得入Display柜。另外,HT最强嘅涂装技术喺Mark I上面更加突出,装甲Metallic感极强,部分位置更参照电影造型加入红、白、蓝及灰四色,难度比单一涂色高好多,某程度亦表示锺意后製嘅玩家,今次无咩发挥空间。

保持平衡最困难

涂装困难,要让Figure企起身原来都唔係易事。一般Action Figure由于两边对称,下盘较扎实,企起身唔係难事,偏偏Ultron Mark I左右唔对称,双腿粗幼亦不一,HT既要确保关节灵活性及稳固性,又要让纤幼骨架两边平衡,工序极繁複,所以24个关节喺数量上比MMS系列少,其实亦值得原谅。要弹嘅反而係配件,虽然睇过套戏都知Mark I得把口,全无战力又无武器,但随盒仅送一个战损Iron Legion半胸像同电影名牌地台咁大把,前者仲要无样办睇,起码都好似「黑七」咁送多张纪念卡好啩!?

旧化处理像真度无限高Hot Toys Ultron Mark

◆ 身高32.5cm,内藏24个关节,无一般MMS系列咁灵活。

旧化处理像真度无限高Hot Toys Ultron Mark

◆ 全身由骨骼到装甲都经过金属涂装,Metallic到爆!

旧化处理像真度无限高Hot Toys Ultron Mark
◆ 面罩腐蚀成恶魔模样,蓝光透出够晒神秘感。旧化处理像真度无限高Hot Toys Ultron Mark
◆ 连大脑嘅电路板同电线都造埋出来,100%忠于原着。旧化处理像真度无限高Hot Toys Ultron Mark
◆ 旧化同战损处理好重手,锺意后製嘅玩家今次无咩好搞了。 旧化处理像真度无限高Hot Toys Ultron Mark
◆ 双脚设有油压装置,并跟足电影分别涂上红、蓝两色。旧化处理像真度无限高Hot Toys Ultron Mark
◆ 附送电影名牌地台,但战损Iron Legion半胸像就暂时无办睇。

查询: Hot Toys (电话: 3722 3988)

定价: $1,580、预订价︰$1,530

上一篇: 下一篇: